Мөнхүүлэй миний эргэн тойронд

Шороо ухаал...

2008-10-06T03:18:00.000-07:00

Хөдөө аав ээж эмээ өвөө нартайгаа яваад шороо ухаал, энэ тэнүүгээр хэсээл, сайхан шүү. Уг нь бол намайг л агаарт гаргах гэж явдаг юм гэсэн. Гэхдээ хараад байхад өөрсдөө л сайхан наргиж цэнгэх талруугаа байхийн байна шд. Би яахуу энд тэнд ингээл шороо ухаал явж байдийн.

2008-07 сард авахуулсан зураг байна.

Цэцэрлэгт оров

2008-09-28T20:24:00.000-07:00

Нэг мэдсэн чинь ойрын үед блогтоо юм бичээгүй удсан байна шд. Би ч гэж дэ, манай аав ээж хоёр л байхгүй юу. Би яахуу энэ зун аав ээжтэйгээ зуслан гарсан, өвөө эмээгийндээ нилээд байлаа, мартсанаас нээрээ 9 сарын 1 болоод би гэдэг хүн чинь цэцэрдлэгт явж эхэлсэн. Юутай ч зургаа оруулья. Энэ зурган дээр би анх цэцэрлэгт явах гээд л зогсож байгаа байдал. Нээрээ манай муур маамуутай болсон, удахгүй төрөх гэж байгаа, гэдэс нь өдрөөс өдөрт л том болоод байгаа.

Явж сурсан огноо...

2008-02-17T07:28:00.000-08:00

Би яг хэдэн нас хэдэн сартайдаа хөлд орсон гэдгээ мэдэхгүй. Аав ээж ч санахгүй байх. Гэтэл өнөөдөр хэзээ гэдгээ мэдэж авлаа. Аав маань нэг CD бичиж байтал би хажууд нь яваад харагдсан юм байлгүй, юутай ч тэмдэглээд үлдээчихсэн байна. Тэгэхээр би 10 сар 10 хоногтойдоо явж эхэлсэн юм байна.

Муужий бид хоёр

2008-02-17T06:44:00.000-08:00

2007-11-26-нд улс тунхагласаны баяраар аав ээж 2 надад хөөрхөн жижигхэн муурын зулзага авч өгсөн. Яг л надтай адилхан жижигхэн юм болохоороо хумсаа ч нуухаа мэдэхгүй нялхаараа ирсэн. Надад их сонирхолтой , хөгжилтэй байсан. Өрөө өрөө дамжаад л хөөцөлдөөд гүйдэг байсан да бид хоёр, харин хэн нь хэнийгээ хөөгөөд байгаагаа сайн мэддэггүй байсан, мэдэх ч шаардлагагүй гэж бодож байна. Мах хулгайлдаггүй муур гэж байдаггүй гэдэг боловч муужий (нэр нь) хулгай хийх нь битгий хэл хажууд байгаа хоолоо олж чаддаггүй өрөвдөлтэй амьтан байсан.

Харин өнөөдөр 2008-02-17 , муужий маань том болжээ. Юм юмаараа л надаас илүү болж, идэх юм хулгайлж иддэг болсоны улмаас ихэнхдээ уяатай байдаг болж , хумсаа нуудаг болж , надтай тоглохдоо намайгаа ширүүлчих гээд байдаг болж , хумсийг нь байнга авч байдаг болж .. гэх мэтээр их л хурдан том болж дэ. Гэтэл би бараг л хэвээрээ ... ганц хоёрхон үг нэмж сурсан байна. Гэхдээ л бид 2 найзууд хэвээрээ л байгаа, миний хөөрхөн муужий... аягүй бол надтай тоглохдоо миний нялх Мөнхүүлэй гээд өхөөрдөөд гүйдэг байхдаа

Гэхдээ муужий маань надаас 6-7 дахин бага наслах болохоор надаас 6-7 дах хурдан өсөөд байгаа гэж аав хэлсэн. Аягүй бол энэ жилдээ багтаад хөөрхөн хөөрхөн зулзаганууд гаргах юм биш байгаа :)

Цэнхэр дээлээ өмсөөд цэцэрлэгтээ явах юмсан

2007-11-14T08:18:00.000-08:00

Сайн уу,

Миний эргэн тойрон ойрдоо нэг л хэвийн хэмнэлтэй байна. Намайг харах хүн гэрт байхгүй, овоо том болсон (1 нас 6 сартай) бас цэцэрлэгт өгөхөөр ханиад томуунаас салахгүй байгаа гээд эмээ өвөө дээр байлгаж байгаа. Даваа гаригын өглөө эмээ өвөө дээрээ очоод Баасан гаригын орой гэртээ харьж байна.

Ер нь бол хүн эхийн хэвлийд байхдаа ээжтэйгээ хүйсээр холбогдоод идэж уусан зүйлсийг нь хамтдаа хүртчээл, гэтэл төрсөний дараа шууд холболт байхгүй болж мээмийг нь хөхөхгүй бол өлсөхөөр болсон. Гэхдээ л байнга хамт байж намайг жаахан л дуугарах төдийд ээж аав хоёр ухас гээл гүйдэг байсан да. Дараа нь мээмнээсээ гарлаа, явдаг боллоо... одоо тэгсэн чинь айл амьтнаар хэсүүлээд л хаядаг болж. Бодоод байхнээ цаашдаа улам л холдоод байх шинжтэй. Ер нь тэгээд аав ээжээсээ холдон холдсоор л .. санан санасаар л .. байх шинжтэй юм.

Энэ аав, ээж, эмээ, өвөө, эгч, ах нар гээл ойр тойрны хүмүүс намайг ямархуу хүн болгох тал дээр бүгд өөр өөр юм ярьцгааж зааварлаж өгнө шүү дэ. Мөнхүүлэйг ингүүлж болохгүй тийм хүн боллчихно, үлгэр сайн уншиж өг, хөгжим сонго, тамхи хажууд нь битгий тат, хажууд нь битгий муудалцаж бай, өөрөөр нь шээж сурга, зөнгөөр нь л байлга, битгий их эрхлүүл гээл мааш их зүйлс сонсогдоно. Би ч одоохондоо ярьж чаддаггүй юм болохоороо дотроо л бодохоос цаашгүй юм. Гэхдээ том болохоороо би томчуудад санал бодлоо хэлдэг, өөрийгөө ойлгуулдаг мундаг хүн болноо.

Хурдхан шиг цэцэрлэгтээ явах юмсан л гэж бодож сууна. Гадаа хүйтэн болохоор гарч болохгүй, агаар муутай дөрвөн хананы дунд өдөр шөнийг өнгөрөөх онцгүй юмаа. Би чинь зуны хэдэн сар лагерьт ой модон дунд майханд унтдаг байсан Робисон Крузо шүү дэ :)

01:00am
2007-11-15

bike

2007-10-25T08:10:00.000-07:00

Энэ миний хамгийн их суух дуртай унаа да... дуу муу, хөдөлж байгаа эд нар нь үнэхээр эрэгтэй хүүхдийн сонирхолыг шууд татдаг эд... гэхдээ намайг аюултай гээд суулгаж явах байтугай ойртуулдаг ч үгүй юм. Аавынх :( гэхдээ цаг хугацаа миний мөрөөдлийг биелүүлэх байхаа, эсвэл томрох үедээ шал өөр юманд дуртай болчдийн болуу.. хэн мэдлээ.. цаг хугацаа л бүхнийг харуулна байх да, харж л байя. Гэхдээ миний үед энэ унаа ямархуу хэлбэр дүрс, хүч чадалтай байх юм бол? Аягүй бол энэ bike музейд байж байхийн болуу? Гэхдээ л хуучин муучин хамаагүйээ, миний аавынх учраас л би түүнд маш их хайртай... Аав маань ийм том юм байтугай нэг гуулин сэрээг өвөөгөөс нь өвлөж ирсэн гээд ухаангүй хайрладаг, харамладаг, хоол ч иддэггүй, зүгээр л хадгалдаг юм. Гэтэл энэ чинь юун сэрээ мэрээ... :) Гэхдээ сэрээг хэдэн үе дамжуулаад хадгалахад боломжийн юмаа, энэ том төмөр миний үе байтугай ирэх 3 жилийг давах болуу? харж л байя... за за нойр хүрчлээ.. том том юм ярих ч яахуу миний угж хаана байгаа билээ??? good night!

2007-10-25
23:30

Намар болжээ

2007-10-25T07:27:00.000-07:00

Сайн байцгаана уу

Бас л удаж байж бичлэг оруулж байгааг минь уучлаарай. Аав ээжээс л болж байгаан гээд шуудхан хэлчье :) Гэхдээ өнөөдрийг хүртэлх бичлэгүүдийг хагас дутуу ч гэсэн оруулж байгаа аавдаа баярлалаа. Манай ээж тэгэж байгаад их сайхан сайхан зүйлс оруулна гэдэгт би итгэж байна. Би өөрөө бичнэ гэвэл 5-6 жилээс наашгүй байхоо. Би цэцэрлэгтээ явж байгаа, ханиад томуу тусаад эмнэлэгт хүртэл нэг хэвтээд авсан. Хатгаа туссан байна гэсэн. Ер нь хараад байхад ханиад томуу гадуур их байгаа юм шиг байна лэ. Энэ зураг миний эмнэлэгт байхдаа авахуулсан зураг, тэр доогуур байгаа зурагнуудыг бодоход том эр болсон байгааз дэ :)

Тэгээд одоохондоо эмээ өвөө 2 дээрээ л байна. Нэг мөсөн сайн эмчилгээ хийлгэж байгаад цэцэрлэгтээ явахаар болсон, гэхдээ бас энэ эмээ өвөө 2 намайг цэцэрлэгт нь явуулахүйгээр өөрсөд дээрээ байлгах санаатай байгаамаа, энэнд нь аав их дургүйцнээ... :) Өвөө эмээ дээр байхад сайхан ч юм байна, саар ч юм байна. Сайхан зүйлс гэвэл: Би хүссэнээ л хийдэг, надад өвөө эмээ хоёр амь болохоор хүсвэл би толгой дээр нь гарч зогсоно, газар буухгүй гарыг нь чилээнэ, хоол гуйлгаж идүүлнэ, .. ерөнхийдөө бол хаан шиг л байдаг. Гэхдээ бас заримдаа миний юу хүсээд байгааг ойлгодоггүй, хажууд тамхи татдаг, салхинд гаргадаггүй, хэт их дулаалдаг, байнга ам руу идэж уух юм цутгадаг, үеийн хүүхдүүд байхгүй уйддаг, цэцэрлэг дээрх шиг гоё тоглоомууд байхгүй, аав ээж хоёр 7 хоногт хоёр удаа л харагддаг гээд таалагдахгүй юмнууд ч байна л да... гээд яахуу дэ, би ямар шийдвэр гаргах биш, томчуулын том том юм ярьж байгааг ойлохгүй мэт царайлан дотроо тунгааж суудаг л юм.

Саяхан аав ээж бид 3 хүүхдийн парк орсон. Намар болж навч цэцэг шарлаад цаанаа л нэг гунигтай байна лээ. Би хэсэг унтаж байгаад сэрсэн чинь аавын гар нь чилсэн бололтой муухай царайтай юм намайг тэврээд л алхаж байхийн.

Ээж: Нэг газар жаахан сууж гараа амраангаа жаахан сууя
Аав: Тэгий, харин хаана суудийн билээ.... сандал олоод сууя..
Ээж: Хүүе, ямар сонин юм бэ, ерөөсөө суух сандал байхгүй байна шд

гээл ярьж байгааг нь сонсоод өндийсөн чинь хүүхдийн паркын бүх сандалны суудлыг нь хураагаад авчиймуу эсвэл бүгдийг нь хулгайч авциймуу, ерөөсөө хүн суучмаар ганц ч санпал үлдээгүй байсан да. Аав ээж байтугай би хүртэл дотроо ямар сонин юм бэ гэж бодож явсан шд. Харин зургыг нь аваагүй байна лэ, намайг тэвэрцэн болохоор яаж ч зураг авах билээ.

Тэр өдөр гадаа харьцангуй дулаахан салхинд гарахад их сайхан тааламжтай өдөр байсан боловч парк дээр бид гурваас өөр хүн харагдахгүй байсанд аав ээж бас гайхаад байх шиг байсан. Гадаадад бол амралтын өдөр байтугай л парк нь битүү хүнээр дүүргээстэй, тэнд л нэг юм нуруугаа амраан хэвтдэг болтойн байна лээ. Манайхан юу хийдийн , бүү мэд.

2007-10-25
23:10

Гэнэт...

2007-08-26T06:05:00.000-07:00

Нэг мэдсэн блогдоо юм бичилгүй ихээ уджээ. Аав ээж амраад интернетээс алс хол газар удаан байлаа. Сониноом гэвэл саяхан би цэцэрлэгт /ясли/ орсон. Ангидаа хамгийн бага нь гэж байгаа :) , багш нар тэврээд л, том хүүхдүүд халамжлаад л давуу талууд их байдаг юм.

Удахгүй олон олон зураг оруулж сонирхолтой зүйлс ихийг бичнээ.

Хүүхдийн парк

2007-05-28T07:13:00.000-07:00

Саяхан миний төрсөн өдөр 5 сарын 19-нд болсон. Энэ талаарх мэдээллийг манай ээж оруулна гэсэн. Энэ удаа хүүхдийн паркаар аяласан тухай ааваараа бичүүлэхээр боллоо. Өнөөдөр 5 дугаар сарын 28, удахгүй эх үрсийн баяр болох гэж байгаа. Хүүхдийн баяраар парк пиг дүүрэн хүнтэй байдаг гэсэн. Над мэтийн жижигхээн бацаанууд бол том ах эгч нарын хөлд үрэгдэхээр байдаг гэнэ лэ, гэсэн би ямар үзсэн биш. Тийм учраас аав ээж бид 3 баяр болохыг урьдчилаад паркаар орлоо. Парк руу орох үед гадна талын хашааг шинэчлэгдсэн байхыг хараад шинэ тоглоомууд оруулж ирээд гоё болох юм гэнэ лээ гээд л аав ээж 2 ярьж байсан боловч доторх байдал хуучнаараа байна гээд л гонсойж байна лэ. Харин миний хувьд бол бүх юм шинэ, хаашаа ч харсан надад их л сонирхолтой байсан. Оронгуутаа эргэдэг морин дээр суусан, аав намайг түшээд би нэг жижгэвтэр дааган дээр суулаа. Аав ээж бид гурваас өөр хүн тэнд байхгүй нээх том тоглоомон дээр ганцаарөө л тоглолоо. Энд тэнд төмөр чихтнаж хоосон моринууд энд тэнд давхилдаад л , анх удаа иймэрхүү юман дээр сууж байгаа надад их л сонин мэдрэмж төрж гайхсаар байгаад л буугаад ирсэн дэ. Аав ээж хоёр шоолоод л инээлдээд байна лэ. Дараа нь эргэдэг мөөгөн дээр 3-уулаа суусан, их дажгүй юм байна лэ. Ааваараа тэврүүлцэн байхад айх гэдэг асуудал байхгүй шоо. Цаашаа яваад алсын харагчин дээр суулаа. Улаанбаатар хотод байшин барилга их баригдаж байнөө. Хаашаа харна кран, барьж буй барилгууд... өөр ч нээх сүйдтэй юм олж харсангүй. Сүүлд нь завиар усанд аялалаа, аав сэлүүрдээд л ээж намайг тэврээд л, оцон шувуунууд, цагаан баавгай, матар, далайн морь, усны үхэр гээл баахан амьтан үзээд л явж байтал нэг мэдсэн чинь унтцан байна лэ. нэг сэрсэн чинь паркаас гарах гээл явж байсан. Юутай ч нэг оройг салхинд гарч сонин хачин юм үзэж, тоглоомууд дээр тоглож сайхан л өнгөрөөлөө. Хүүхдийн баяраар парк орохгүй байх, гэхдээ хүүхдийн тоглоомын газар очиж тоглуулна гэсэн. Хурдан 6 сарын нэгэн болоосой :) бас бэлэг авна...

Оргилболд ахтай хамт

2007-05-21T23:47:00.001-07:00

Ардын хувьсгалын 85 жил, Их монгол Улс байгуулагдасны 800 жилийн ойгоор аавын маань ангийн анд улсын начин Азжаргал үзүүрлэж Монгол Улсын Арслан цол авсан билээ.

Арслангийн нэрэмжит наадамд Чойрт болоход бид гэр бүлээрэй очсон. Тэнд энэ зургийг авахуулсан юм. Та бүхэн таниж байгаа байхаа. Монгол Улсын начин Оргилбол ах намайг тэвэрсэн байгаа биз. Монголын хамгийн том хүн. Эсвэл хоёр дахь том хүн ч байж магад. Ямар ч л гэсэн их том ах байсан шүү. Хүүхдэд их хайртай гадна харагдаж байгаагаасаа өөр хүн шиг санагдсан.

сайн байна уу

2007-04-21T04:14:00.000-07:00

Сайн байна уу

7 сартай зураг

2007-01-09T22:54:00.000-08:00

4 сартай зураг

2007-01-09T22:38:00.000-08:00

Энэ бол миний 4 сартай зураг :) ... байгаа байдал маань яг ийм биш л дэ. Урдаас аппаратны гэрэлтүүлэг тусахаар гайхаад нүд жаахан том болцон байсан байх.

Аав ээжүүдийн хийж болохгүй 9 алдаа

2007-01-09T17:54:00.000-08:00

Ээж аавуудаа цаана чинь доорх арга барилаар хүүхдүүдээ хүмүүжүүлж болохгүй гэж байна шүү. Анхаарна бизээ

1.Хүүхдийг бүү басамжил
Аливаа басамжлал, дорд үзэх байдал хүүхдийн өөрөө өөртөө итгэх итгэлийг мохоодог.

2. Бүү сүрдүүл
“Хэрэв дахиад ийм явдал гаргавал.. .чамд /тийм, ийм/ юм авч өгөхгүй, кино үзүүлэхгүй, тоглуулахгүй…” гэхчилэн сүрдүүлэг, заналхийлэл нь хүүхдийг томчуудаас айх, үзэн ядах зан чанарт сургахаас хэтрэхгүй.

3. Амлалтыг бүү шах
Хүүхэд буруу зүйл йийхэд томчууд “Дахиж тэгэхгүй гэж амла” гэхчилэн шахаж тулгадаг. Хүүхэд амладаг, гэвч цагийн дараа байдал дахин давтагддаг. “Чи надад амласан шүү дээ” гэж эх нь гомдоно. Бага хүүхдийн хувьд амлалт бол юу ч биш байдгийг томчууд ойлгодоггүй. Амлалт бол ирээдүйн зүйл, харин хүүхэд өнөөдрөөр амьдарч буйг санаарай.

4. Бүү хэт халамжил
Хэтэрхий халамжлах, алхам тутмыг зааж зааварлах нь хүүхдийг биеэ даах чадваргүй болгодог. “Хүүхдийн өөрөө хийж чадах зүйлийг хэзээ ч өмнөөс нь бүү хий” гэх дүрмийг баримтал.

5. Шууд дуулгавартай байхыг бүү шаард
Хүүхдийг тоглох эсвэл ямар нэгэн зүйл хийж байхад нь бүхнийг орхиод ганц дуудахад шууд ирж байхыг бүү шаард. “Арван минутын дараа хоол болно” гэх зэргээр урьдчилан сануулах нь зөв. Хүүхэд амжаагүй бол хугацаа олго. Сохроор, үг дуугүй үгэнд орж сурах нь бие даасан, өөрийн үзэл бодолтой хувь хүн болон төлөвшихөд тус болохгүй.

6.Хүүхдийг бүү өөгшүүл
Хүүхдийг дур зоргоороо байлгах, өөгшүүлэх нь амьдралд зохицох боломжийг нь хаадаг.

7.Тууштай бай
Сэтгэл санааны байдлаас болж нэг өдөр нь хүүхдэд тоглож наадахыг зөвшөөрөх, дараагийн өдөр тоглуулах нь бүү хэл чанга ярихыг ч хориглодог эцэг эхчүүд байдаг. Шаардлагатай тууштай бай. Зөвшөөрөх, хориглох асуудлыг тодорхой, замбараатай болго.

8. Ёс суртахуунчилж, хэт их бүү ярь
Хүмүүжлийг үр дүнтэй гэж боддог бололтой, зарим эцэг эхчүүд ёс суртахууны талаар бүхэл бүтэн лекц унших нь бий. Үгсийн урсгалын нөлөөнд хүүхэд бүр будилдаг. Үүний сацуу чихний хажуугаар өнгөрөөнө. Яршигтай олон үгнээс тэгж л өөрийгөө хамгаалахаас аргагүй байдалд хүрдэг. Эцэг эхчүүд хүүхдийн буруу үйлдэлд оновчтой, тодорхой хэдэн үг хэлэхэд л хангалттай.

9. Хүүхдийн насанд ахадсан зүйлийг бүү шаард
Хэрэв хоёр настай хүүхдээс таван настай хүүхдийн хийж чадах зүйлийг шаардвал түүнд дургүйцэх, бүр танаас айх сэтгэл төрнө шүү. Мөн хүүхдийн ухамсарлах чадвар хөгжихөд сөргөөр нөлөөлдгийг санаарай.

children see children do

2007-01-07T22:32:00.000-08:00

Миний зүгээс нийт аав ээжүүдэд гэж зөвлөхөд хүүхдийнхээ боловсрол, өсөж торнин байгаа орчин... гээд л цөөнгүй зүйлсийг анхаарч байгаасай гэж хүсэж байна. Гэхдээ хамгийн чухал анхаарах зүйл бол ААВ ЭЭЖ та нар өөрсдөө билээ. Нялх бид нар чинь аав ээжийнхээ л заасан замаар явна шүү дэ. Та нар яажшуухан байна, бид нар яг л тэгэж хүмүүждэг. Бид чинь аав ээжийнхээ царай зүсийг дууриахаас гадна ярьж хэлж байгаа юмнаас авахуулаад л муу зуршлыг нь хүртэл сайтар дууриаж амархан сурч чаддаг юм шүү :)

Нэрний талаар

2006-12-05T23:36:00.000-08:00

Миний нэрийг аав ээж хоёр маань өвөө эмээ бусад хүмүүсийг оролцуулахгүйгээр өөрсдөө бодож байгаад л өгсөн. Нэр өгөх гэж олон ном зохиолоос нилээд харсан боловч олигтой юм олж чадаагүй гэдэг. Тэгээд л Тулга, Түшиг, Тэнгэр гэх мэт хэд хэдэн нэр үлдсэн гэсэн. Зүгээр Тэнгэр гэхээр Өвөр Монголын нэг дуучин шиг болчих гээд... гэнэт Мөнхтэнгэр байвал яасийн гэж хэлэлцээд л тэр чигтээ тогтсон гэдэг. Хэрвээ би эмэгтэй байсан бол Тэнүүн гэдэг нэр авах магадлал өндөр байсан гэсэн.

Би чинь бас болоогүй ээ Их Монгол Улс байгуулагдсаны 800 жилийн ойгоор мэндэлсэн гээд байгаа, бас гаран дээрээ газрын зураг шиг (аав ээж л тэгдийн) мэнгэтэй :) Ер нь энэ жил төрсөн хүүхдүүдэд хуучны нэрс их өгч байгаа байхаа. Нууц товчоон дээрх нэрс дуусаа биз.

Миний нэрийг анх сонссон зарим нь гайхдаг, зарим нь яасан том нэр вэ ч гэдэг. Ер бол аав маань том нэртэй болохоор би гайгүй нэртэй байхгүй бол чирэгдчих гээд байсан боловуу хэхэ. Бас аавын нэр гийгүүлэгчээр эхэлсэн болохоор миний нэр мөн адил гийгүүлэгчээр эхлэх ёстой байсан болов уу гэж боддог.

Хүний нэр хувь заяанд нөлөөлдөг гэж ч ярьдаг амны билгээс ашдын билэг гэдэг дэ. Одоохондоо балчир байгаа болохоор бүтэн нэрээр дуудах тохиромжгүй байгаа байх. Намайг "Ногоон дээлт" , "Байцаан толгойт" , "Мөнхүүлэй" , "Муухай хүүхэд" ... гэх мэтээр л дуудацгааж байгаа.

Хийморьлог сайхан нэр өгсөн аав ээждээ би хайртай.

Мөнхүүлэй чинь

Эхлэл

2006-11-30T19:35:00.000-08:00

Намайг Мөнхүүлэй гэдэг, жинхэнэ нэр маань Мөнхтэнгэр л дэ. Би 2006-05-19 23:30 -д Эх Нялхсийн Эрүүл Мэндийн нэгдэлд 3,8кг жинтэй 53см урттай төрсөн билээ. Намайг анх төрөхөд эмч нь хараад 3,8кг хүү төрлөө, 3кг нь толгой шүү гэж хэлсэн гэсэн хэхэ. Тэгэхээр миний толгой ямархуу том гэдгийг та ойлгож байгаа байхаа. Том болоод энэ том толгойгоо эрдмээр дүүргэнээ.

Энэ зураг бол төрөөд 7 хонож байгаа зураг :) жаахан царай муутай байна уу? Одоо бол би царайлаг залуу болсон л до.
За эхний удаадаа нэг иймэрхүү. Дараа улам гоё, их юм бичнээ

Хүндэтгэн ёсолсон Мөнхүүлэй